Opel Corsa 2022

Opel markeyeke almanî ye û niha modelên wê di bin banê PSA’yê (Citroen, Peugeot, Opel) de têne hilberandin. Corsaya Opelê piştî makyaja 2018an zêdetir hate hezkirin. Bi taybetî ji ber rahend, şikl û şemalê wê gelekî bal kişand ser xwe.

Şikl û Şemalê Wê:

Corsa li gorî ya beriya xwe 24 santîman kin bûye. Ev pîvan reqîbên wê xurt dike. Poz ango pêşiya wê bi guhertinên mînîmal xwe xurttir dide nîşan. Guhertina xweş li paş wê çê bûye ku çavên xwazgînan kor dike.

Baxaca Wê:

Baxaca wê 309 lître ye. Li enegorî reqîbên xwe kêm e. Mînak, Fabia, Citroen C3, Polo wan heya digihêjin 350 lîtreyê wan. Dema tu paldankên dawîn radî dibe 1080 lître. Di baxaca wê de zêde ewk ango aparat nînin. Zor sade ye.

Hundirê Wê (Dawiya Wê):

Keresteyên li dawiyê hatiye bikaranîn hişk in. Lê ev keresteyên hişk bi neqş û xetên xweşik hatine neqşkirin. Qedehdanka wê niye. Mesafeya wê ya eksê 28 santîman zêdetir bûye lê hîn jî teng e. Wekî din, rûyê paldankan bi qelîteyeke normal hatine raxistin.

Kokpîta Wê:

Sê pakêtên vê modelê hene. Ya ku li ber destên me Edition Elegance e. Ango hema hema pakêta tije ya ser xwe hemşêwe ye. Dîreksiyon xweşik bûye. Kadrana wê analog e. Ekrana nîvekê 7 înc e. Wekî din taybetiyên din di vîdyoyê de ye.

Ajotin:

Kombînasyona motora wê ji bo ardû û performansê pir îdeal e. Bi motora xwe ya 1.2ê ya pîûjekê, 100 belgîrî û 250 torkê ajotineke îdeal pêş ajovanê xwe dike. Di fetlonekan de hinekî rê zeft nake, lê kortikên li ser cadeyên xerabe xweş dimehîne. Ji ber sitûnên wê yên pêşiyê stûr  in, bergeha ajovan teng dike.

Nêrîna Giştî ya Teknîkî

Cûre: otomobîl / segmenta Byê

Qase / hejmara deriyan: Hatchback / 5 derî

Cûreya motorê:Benzîn / 3 sîlîndîr

Hilberîna salê (yekem): 2022, hilberîna wê didome

Şewat (nav bajar / derveyê bajar): 4.8 lt / 3.8 lt

Hêza motorê: 100 hp

Şanziman: Otomatîk / 8 Fitêz / dutekero

Lezgînî 0-100 km/saet: 13,2 sn

Lezgîniya herî bilind: 174 km/saet

Baca wê ya salane:(2022 model û 1560 cc) 1.000,50 TL x 2

Motor û Performans

Cureya motorê:Benzîn / 3 sîlîndîr

Mêjera motorê:1199 cc

Hêza herî bilind: 100 hp (90 kw) / 6.300 rpm

Torka herî bilind: 113 Nm 2.750

Lezgînî 0-100 km/saet: 13,2 sn

Leza herî bilind: 174 km/saet

Rahend

Hejmara Paldankan:5 paldank

Dirêjahî: 4060 mm

Firehî: 1765 mm

Bilindahî: 1433 mm

Giranî:1055 kg

Baxac:309 lt

Pîvana lastîkan:185/65 R15

Mehmet Emin Cırık