Peugeot 308

Peugeot markeyeke fransî ye û niha modelên wê di bin banê PSA’yê (Citroen, Peugeot, Opel) de têne hilberandin. 308a Peugeotê piştî sê salan dîsa hate nûjenkirin. Bi taybetî ji ber rahend, şikl û şemalê wê gelekî bal kişand ser xwe. Ji bilî wê, bi taybetî logoya wê êdî eşkere bû ku şêr e, berê, gengeşî li ser hebû ku hinekan digote ne şêr e, piling e; hinekan jî digote, na, şêr e, ne piling e. lê bi vê modelê ew gengeşî safî kir. Me ev model li bayiye da nasîn. Merêv bibêje “hevnasîn” baştir e. Lewra em di vê vîdeoyê de najon, tenê didine nîşandan.

Şikl û Şemalê Wê:

Dema merêv çav lê dikeve, bi şikl û şameleke zor xurt ango dînamîk xwe dide nîşan. Bi logoya xwe ya nû, rengê wê yê lansmanê, ledên matrîxê û xetên wê yên hawirdorê…hwd. xwazgînên xwe sermest dike.

Baxaca Wê:

Baxaca wê 412 lître ye. Li enegorî reqîbên xwe kêm e. Mînak, xwişka wê Astra jê zêdetir e. Dema tu paldankên dawîn radî dibe 1200 lître. Di baxaca wê de zêde ewk ango aparat nînin. Zor sade ye.

Hundirê Wê (Dawiya Wê):

Keresteyên li dawiyê hatiye bikaranîn hişk in. Lê ev keresteyên hişk bi neqş û xetên xweşik hatine neqşkirin. Qedehdanka wê wek modelên din li kar e, wekî din qelîte û taybetiyên din hema hema wek 208an e.

Kokpîta Wê:

Kokpîteke hinekî din nûjen û xurt pêşwaziya merêv dike. Bi rastî jî endezyar gelekî li ser dixebitin. Bi taybetî dîreksiyona wê ya çûçik wek cîcîka zarokan pir xweşik e. Û kêlên wê yên li ser kokpîtê qelîteya wê xwe dide der. Ji ber ku ev pakêta herî tije (GT) ye. Gelek tişt ji xwe standart in.

Nêrîna Giştî ya Teknîkî:

Cûre otomobîl / segmenta Byê

Qase / hejmara deriyan Hatchback / 5 derî

Cûreya motorê Benzîn / 3 sîlîndîr

Hilberîna salê (yekem) 2022, hilberîna wê didome

Şewat (nav bajar / derveyê bajar) 7.2 lt / 5.0 lt

Hêza motorê 130 hp

Şanziman otomatîk / 8 Fitêz / pêşkêş

Lezgînî 0-100 km/saet 9,27 sn

Lezgîniya herî bilind 210 km/saet

Motor û Performans:

Cureya motorê Benzîn / 3 sîlîndîr

Mêjera motorê 1199 cc

Hêza herî bilind 130 hp (96 kw) / 5.500 rpm

Torka herî bilind 230 Nm 1.750

Lezgînî 0-100 km/saet 9,7 sn

Leza herî bilind 210 km/saet

Rahend:

Hejmara paldankan 5 paldank

Dirêjahî 4367 mm

Firehî 1852 mm

Bilindahî 1441 mm

Giranî 1291 kg

Baxac 412 lt

Pîvana lastîkan 25/40 R18

Mehmet Emin Cırık